Oberstockenalp

Uf dr Oberstockenalp… da macht mä mengisch s Chalb

Der Alpsommer geht auch bei uns langsam dem Ende zu.
Unsere Angestellten sind alle schon wieder im Tal. Zum Abschied haben Sie uns ein Besonderes Geschenk gemacht, ein wunderbares Gedicht, welches wir euch nicht vorenthalten möchten.

 

Di Alp ghört dr Familie Bühler
U im Summer hei si gengn no drü Schüeler
Werner, Vreni, Ruedi, Livia, Luisa, Anna, Chüe u Seuli
Ich fasch hättme mer ne vergäasse dr treue Peuli
Im Bombesummer 2018 hei aui ihres Beschte gä
Ou di drü Stedtergstabi Edith, Sara u Adi

 

Chum wir wii ga gugge
Da isch würkli e Buirewurscht ir Suppe
Da isch o d Edith u fragt nach Wey
Nei Gago Sara gits hüt ä kei

 

Zum Zvieri gits Brot u Chees
U d Luisa fragt s Mueti: Bitte darfi chli Maionees?
U wo blibt äch dr Werni?
Am Schwentä si er ir Ferni
Verstah tuet das ja keini
D Anna meint: Ruttli usriise das meini
Ize füele mi scho chli doof
Wüu verstah tue i nume Bahnhof

 

Mitem Werner am Stockhorn
Da bilbt mä i Form
O we är chli gangstet het
Wüu d Sara nid schwerer aus d Seu vor Alp abe set
Drum packet nech e Schufle
Mir gö ize ga pfudle!!!
Wos äch ize ume häre geit?
Wüu i ha ume nid verstande was dr Werner seit

 

S Vreni mues sech mit andere Sache umeschla
Wo si äch iz die Chinder ume dra?!
Da chunt e Wanderer ganz reze
Heit dir äch es WC?
U si erklärt zum tuusigste Mau
Es isch wäder hie ir Chuchi no im Stau

 

S Vreni macht sech sorge um d Renferblueme
Aber d Chind lö sech geng la versuume
Ruedi tuesch se no giesse?
Nei Mueti i mues doch ga schiesse
Aber du bisch doch sone gschinde
Da wirsch sicher ä Minute finde

 

D Livia bringt s Härz vo dä Eutere zum pumpe
We si mitm SEili us dr Stockhornbahn wot gumpe
Aber wo isch si äch? Mä ghört kes Mücksli
Aues isch guet, si nummt nur ufem Ruehbett es Nückli
Sie muess morn früeh uf ga gugge dr Sunneujfgang
D Sara söu o gad mit, die isch scho vorere Stund ufgstange
Ds Alpläbe isch ja schön, aber mängisch chli übertribe
Dr Werner lütet grad a: Chasch bitte no ä Blogitrag schribe?

 

Luisa! Das Täuer isch no nid suber
Da musch gwüss gad nomau druber
D Anne het bim Abwäsche gnau ufpasst
U luegt, dass dr Adi s blaue Tüechli fasst
Mitem Radio singe mer 079 het si gseit
U scho isch si wider guet ufgleit
Di jüngsti Bühler het es Härz us Guud
Si aber iri Tomate i Gfahr, verliert si scho mau d Geduud

 

Und obe ufm Fäud
Der tisch ke heili Wäut
Di cheibe Brünle
Si scho wider zoberst bi de Zünle
Dr Adi cha rüefe, singe schreie u säge
D Bewegig vo dene Brünle, Slow Motion isch e Dräck drgäge

 

Da isch dr Werner scho dütlech schneuer
U het scho gli ä Chees meh im Chäuer
Aber zersch gits no Cheesmuus
Für d Luisa scho fasch es muss
Fasch wie d Frag wi si am Morge murrt:
Mueti darf i chli Joghurt
 

Au di vile Erläbnis u Sache
Mir hei würkli viu müesse lache
Drum danke mir vo ganzem Härze
Für die vile Stunde Muskukaterschmärz
U hoffe dir blibet gsund
U Simba wärdi nid auzu rund
Ou für eui Gedoud danke mir
Wüu so mangisch hei mer gha es riise gliir

 

Mir wünsche eu erhousami Winterzyt
De sit dir sicher für e Sommer 19 ume topfit
Usegläse heit dir di rächte
Vo härze euer 2018 Chnächte

Vreni und Werner Bühler
20. Oktober 2018 - 12:55
0

Kommentare